Wer bin i?

Ich bin 32, bin Mami vom zwei Buebe (Johrgang 2011 und 2013). Chume eigentlich us de Grafikbranche.

 

Will min Sohn sini Nuggis immer wieder verloore het und d'Nuggibänder us Holzperle eifach z'schwer gsi sind am Afang, hani mir denkt dasi doch eifach us Stoff selber Nuggibänder nähe chönnt, so isch denn e reihe verschiedeni Nuggibänder i allne mögliche Farbe entstande (es mues jo schön immer zur Aleggi passe ;) ).

 

Ich han denn festgstellt, das mir das e Möglichkeit git mich krativ usztoobe, woni am schluss au es Resultat han. So isch denn immer chli meh dezuecho woni usprobiert han.

 

Ich bin kei glernti Schniiderin, s'meischte hani mir selber biibrocht oder hol us de Erinnerig wieder füre was mir mol i de Handsgi glernt hend. Mini Sache sind nöd perfekt, aber mit viel Liebi gmacht. Jedes isch es Einzelstuck!

Ich näh immer denn weni Ziit und Luscht han, s'meischte isch für de Eigegebruuch oder als Gschenkli, ab und zue näh ich au öppis uf Uftrag, je noch Ziit und Möglichkeit.

 

Ich han mitere über 20-jöhrige MioStar agfange, die hani vo mim Mami vererbt übercho. Inzwüsche hani mir e MioStar Gold kauft und au e Overlock vo Singer stoht i mim Nähzimmer. Ganz neu hani au en Plotter zum Bügelbilder mache, so chani mini Nähsache oder au mol öppis kaufts ufpeppe.

Impressum | Datenschutz | Sitemap
© by Franziska Schärer-Germann